വേലകളി

പ്രാചീനകേരളത്തിലെ പൗരുഷത്തിന്റെ കലയാണ് വേലകളി. ചെമ്പകശ്ശേരി എന്ന പ്രദേശത്തെ യോദ്ധാക്കളുടെ ശക്തിപ്രകടനം എന്നു വേണമെങ്കിൽ ഇതിനെ വിശേഷിപ്പിക്കാം. അമ്പലപ്പുഴയിലാണ് ഈ കല ആദ്യമായി രൂപം കൊണ്ടത്. കളരിയഭ്യാസങ്ങൾ, ആയോധനപരിശീലനങ്ങൾ, യുദ്ധമുറകൾ എന്നിവ ഉൾക്കൊള്ളുന്ന ഈ പ്രകടനം അഭ്യാസകലാവിഭാഗത്തിൽ പെടുത്താം. ഈ കലാകായികപ്രകടനത്തിൽ താളവും മേളവുമൊക്കെ ഒത്തിണങ്ങി നയനമനോഹരമായ ഒരു പ്രദർശനമായി രൂപം കൊള്ളുന്നു. വേലകളിയിൽ അണിനിരക്കുന്നത് നല്ല മെയ്‌വഴക്കവും കരുത്തും ആയോധനവൈദഗ്ധ്യവുമുള്ള യോദ്ധാക്കളാണ്. പ്രേക്ഷകരുടെ കണ്ണും കാതും മനസ്സും ശരീരവും ഉത്തേജിതമാവുന്ന അനുഭൂതിവിശേഷമായ വേലകളിയിലൂടെ ഒരു നാടിന്റെയും ഒരു ജനപഥത്തിന്റെയും ഹൃദയതാളങ്ങൾ ഉണരുന്നു.

Read More

കളംപാട്ട്

ഹിന്ദുമതത്തിന്റെ അനുഷ്ഠാനം എന്ന നിലയിൽ ആരംഭിച്ച് ഇന്ന് വലിയ പ്രചാരം നേടിയ ഒരു പുരാതനകലയാണ് കളംപാട്ട്. പഴയ കോലത്തുനാട്ടിൽപ്പെട്ട കണ്ണൂർ ജില്ലയിൽ ഇന്നും നടന്നുവരുന്ന ഈ കലയിലെ പ്രധാന ചടങ്ങ് കളമിട്ട് പാട്ടുപാടുക എന്നതാണ്. കളംപാട്ട് നടത്തുന്നതിനുള്ള അവകാശം ഗണകവിഭാഗത്തിൽ പെട്ടവർക്കാണ്. അപൂർവ്വം ചില പെരുവണ്ണാൻ സമൂഹാംഗങ്ങളും ഇതിൽ പാണ്ഡിത്യമുള്ളവരാണ്. യക്ഷന്മാർ, ഗന്ധർവ്വന്മാർ എന്നിവയുടെ ബാധ ഒഴിപ്പിക്കാനായിക്കൊണ്ട് സ്ത്രീകൾക്ക് വേണ്ടി ചെയ്യുന്ന അനുഷ്ഠാനമാണിത്. രാത്രിയിലാണ് ചടങ്ങ് നടത്തുക. വിവാഹം കഴിഞ്ഞതിനു ശേഷം സന്താനലബ്ധിക്കായും, ഗർഭം ധരിച്ച അവസരങ്ങളിലുമാണ് കളംപാട്ട് കഴിപ്പിക്കുന്നത്. കളംപാട്ട് നടത്തുന്നതിലൂടെ സന്താനലാഭവും ഗർഭരക്ഷയും ഭർതൃസുഖവും ദേഹസുഖവും സിദ്ധിക്കും എന്നാണത്രെ ഐതിഹ്യം.

Read More

ആദ്യന്തം വിസ്മയം പുതുമനയുടെ ദേവനൃത്തം

-രാകേഷ് കെ വി -

പുതുമന ഗോവിന്ദൻ നമ്പൂതിരി എന്നും ഒരു മാതൃകാകലാകാരനാണ്. തിടമ്പ് നൃത്തം എന്ന കലയ്ക്കു വേണ്ടി ത്യാഗത്തിന്റെയും കഷ്ടപ്പാടിന്റെയും സമർപ്പണത്തിന്റെയും കനൽവഴികളിൽ പതിറ്റാണ്ടുകളായി നടന്നുനീങ്ങി കലാചക്രവർത്തിയായപ്പോഴും ആ വഴികൾ മറക്കാത്ത വലിയ ഹൃദയമാണ് അതിന് കാരണം. പുതുമന ഗോവിന്ദൻ നമ്പൂതിരിയെപ്പോലുള്ള ഒരദ്‌ഭുതം ഇനി ഒരിക്കലുമുണ്ടാകില്ല. തിടമ്പ് നൃത്തത്തിന്റെ ആട്ടവേദികളിൽ ഒരിക്കൽ മാത്രം സംഭവിച്ചു പോകുന്ന മായാജാലം. തിടമ്പ് നൃത്തത്തിലെ ഓരോ ചലനവും പുതുമനയുടെ പാദങ്ങളിൽ പൂത്തുലയുമ്പോൾ അത് അദ്ദേഹത്തിന്റെ അനന്യമായ നടനമാസ്മരികതയാണ്, അതിനു മുൻപോ ശേഷമോ കാണാൻ കിട്ടാത്ത ചലനങ്ങൾ. ആ സമയങ്ങളിൽ കാഴ്ചക്കാരിലേക്ക് പടർന്നുകൊണ്ടിരിക്കുന്ന ദേവതാളം. ക്ഷേത്രനാഥനായ പ്രതിഷ്ഠയുടെ ഭാവങ്ങളും ചലനങ്ങളും പുതുമനയുടെ വിവിധങ്ങളായ ചലനങ്ങളിലൂടെ ആവിഷ്കരിക്കപ്പെടുമ്പോൾ ഭക്തമാനസം നിറയും. നിറഞ്ഞ ഭക്തിയോടെയും വലിയ ആവേശത്തോടെയും പുതുമനയുടെ തിടമ്പ് നൃത്തം കണ്ട ഓർമ്മകളാണ് മനസ്സിൽ തെളിയുന്നത്. ഇക്കാലത്തും കലാരംഗത്ത് ഒന്നാമനായി തുടരുന്നു അദ്ദേഹം. ഭൂരിഭാഗവും അനുഷ്ഠാനസ്വഭാവമുള്ള നൃത്തരൂപമാണ് തിടമ്പ് നൃത്തം. നമ്മുടെ രാജ്യത്ത് നിലവിലുള്ള മറ്റു നൃത്തരൂപങ്ങളിലെ ശൈലികളും വസ്ത്രാലങ്കാരരീതികളും അതേ പടി അനുകരിക്കാനുള്ള പ്രവണതകൾ ഉയരുമ്പോൾ തിടമ്പ് നൃത്തത്തിന്റെ മാറ്റ് കുറയുന്നു. അധ:പതനത്തിലേക്ക് നീക്കുന്ന ഈ ചായ്‌വുകൾക്ക് താൽക്കാലികവിജയം ഉണ്ടായേക്കാം. ഇവിടെയാണ് ഗോവിന്ദൻ നമ്പൂതിരി വ്യത്യസ്തനാവുന്നത്. അനുകരണത്തിന്റെ ഒരു കണിക പോലുമില്ലാത്ത അപൂർവ്വങ്ങളിൽ അപൂർവ്വമായ ശൈലിയാണ് പുതുമന ഗോവിന്ദൻ നമ്പൂതിരിയുടേത്. തനിമയെ ഉൾക്കൊണ്ട് സ്വയം രൂപപ്പെടുത്തിയ ഈ ശൈലിയാണ് ആബാലവൃദ്ധം ജനങ്ങളുടെ ഹൃദയതാളമായി മാറിയത്.  ഇന്ത്യയുടെ ഏതു കോണിലുള്ള നൃത്തകലാകാരരായാലും കേരളത്തിന്റെ പുതുമന ഗോവിന്ദൻ നമ്പൂതിരിയെക്കുറിച്ച് സംസാരിക്കുന്നു. കലാപ്രിയരെപ്പോലെ തന്നെ പേരെടുത്ത കലാകാരന്മാരെപ്പോലും തന്നിലേക്കടുപ്പിക്കുന്ന മാന്ത്രികതയാണ് അദ്ദേഹത്തിൽ അലിഞ്ഞിരിക്കുന്നത്. അപാരമായ സിദ്ധിയുള്ള ഈ കലാനിപുണൻ തിടമ്പ് നൃത്തത്തിനു വേണ്ടി ഏറെ കഷ്ടപ്പെട്ടിട്ടുണ്ട്. തിടമ്പ് നൃത്തത്തിന്റെ പുതിയ വേദികൾ പുതുമന ഗോവിന്ദൻ നമ്പൂതിരിയെ വിളിക്കുകയാണ്, ഓരോ നാളും പുത്തനുണർവ്വുമായി മനസ്സിനെയും ശരീരത്തെയും  നവീകരിക്കുന്നു അദ്ദേഹം. അമ്പലത്തിൽ ഉത്സവം കൊടിയേറുന്നു, പുതുമന ഗോവിന്ദൻ നമ്പൂതിരിയുടെ പൊടി പാറിയ തിടമ്പ് നൃത്തത്തെ വരവേൽക്കുവാൻ ആരാധകരും.

Read More

Maha Kathakali Guru Chemancheri Kunhiraman Nair

Sarath Krishna

The classical dance Kathakali is more than 400 years old. Guru Chemancheri has contributed to Kathakali and living in it for last 100 years. Kunhiraman asan is 103 years ‘young’ now. Guru was born on june 26, 1916 at Koyilandi in Kozhikode, India. The senior most artist in the country now, Guru is a skilled dancer in Bharathanatyam and Kathakali. After independence, Chemancheri shifted his spotlight from Kathakali to Dance. In 1942, Guru started Bharatiya nritya kalalaya in Kannur, India. Name of his guru is Karunakara menon.

Kalamandalam Gopi with Guru Chemancheri	With thidambu nritham exponent Puthumana Govindan Namboothiri	Actor Vineeth with Guru Chemancheri

Guru has enriched art traditions in northern kerala. After 1950s, Guru has presented thousands of musical dramas in kerala state. Guru started many dance institutes in Cannanore and Telichery. 30 yrs back, Guru has started a kathakali vidyalaya in his local town Cheliya and is now active in giving instructions to young artists and kathakali students. Guru is accepted to be the last link of kalladikodan saili in kathakali.

Read More

തിടമ്പ് നൃത്തം - ഉത്തരകേരളത്തിലെ ക്ഷേത്രാചാരവും ക്ഷേത്രകലയും

വടക്കൻ കേരളത്തിലെ ഏഴു നൂറ്റാണ്ട് പഴക്കമുള്ള ക്ഷേത്രാചാരവും വാർഷികോത്സവത്തിന്റെ  ഭാഗമായി ആഘോഷപൂർവ്വം നടത്തി വരുന്ന അനുഷ്ഠാനവുമാണ് തിടമ്പ് നൃത്തം. ക്ഷേത്രത്തിനകത്തു വച്ച് തയ്യാറാക്കുന്ന ദേവീ / ദേവന്മാരുടെ അലംകൃതമായ വിഗ്രഹപ്രതീകം (തിടമ്പ്) ഭക്തിബഹുമാനാദികളോടെ ആചാരവിധിപ്രകാരം നർത്തകൻ ശിരസ്സിൽ സ്വീകരിക്കുന്നു. തിടമ്പ് ശിരസ്സിലേറ്റിയ നർത്തകൻ ആചാര്യന്മാർ നിഷ്‌കർഷിച്ചിട്ടുള്ള വാദ്യമേളങ്ങളുടെ സംഗീതാനുയാത്രയോടെ താളങ്ങൾക്കനുസരിച്ച് പാദങ്ങൾ ചലിപ്പിച്ച് നൃത്തം ചെയ്യുന്നു. കാഴ്ചയിൽ മൃദംഗവുമായി സാദൃശ്യം തോന്നുന്ന 'പാണി' എന്ന വാദ്യത്തിന്റെ അകമ്പടിയോടെയാണ് നൃത്തകലാകാരൻ തിടമ്പ് ക്ഷേത്രമുറ്റത്തേക്ക് എഴുന്നള്ളിക്കുന്നത്. ശിരസ്സിൽ ഉഷ്ണിപീഠം എന്ന തലപ്പാവ് ധരിച്ച് നർത്തകൻ ഭക്തിയോടെ തിടമ്പ് തലപ്പാവിന് മുകളിൽ വയ്ക്കുന്നു. 'കൊട്ടി ഉറയിക്കൽ' എന്ന സുപ്രധാന ചടങ്ങോടെയാണ് സാധാരണയായി നൃത്തം ആരംഭിക്കുന്നത്. നർത്തകൻ ശിരസ്സിലേറ്റിയ ചൈതന്യവത്തായ ദേവീ / ദേവപ്രതിരൂപത്തിന്റെ ആദിമഭാവത്തെ ആദരപൂർവ്വം എതിരേറ്റ് താളലയത്തോടെ  ഉണർത്തുന്ന ചടങ്ങാണിത്. ദേവീ / ദേവന്മാരുടെ 'ദിവ്യഭാവം' ഉണരുമ്പോൾ ആ തരംഗങ്ങൾ നർത്തകന് പദചലനങ്ങൾ ആരംഭിക്കാൻ പ്രേരകമാകുന്നു എന്നാണ് സങ്കൽപ്പം. ദൈവീകചൈതന്യം ഹൃദയത്തിലേക്ക് ആവാഹിക്കുന്ന നർത്തകൻ ക്രമപ്രകാരം വലതും ഇടതും തിരിഞ്ഞ്  വൃത്താകൃതിയിൽ കലാശം ചവിട്ടുന്നു. തുടർന്ന്, താളവട്ടങ്ങൾക്കനുസരിച്ചുള്ള നൃത്തപ്രകടനം ആരംഭിക്കുന്നു. ആചാരപ്രകാരം  തകിലടി, അടന്ത, ചെമ്പട, പഞ്ചാരി എന്നീ പ്രധാന താളവട്ടങ്ങളിൽ നാല് കാലങ്ങളിലാണ് (നിരപ്പുകളിൽ) തിടമ്പ് നൃത്തത്തിലെ വാദ്യവിന്യാസം ക്രമീകരിച്ചിരിക്കുന്നത്. തിടമ്പ് നൃത്തത്തിന്റെ ആദിഗുരുക്കന്മാരായ പൂർവ്വികരുടെ  ഗൗരവമുള്ള നിർദ്ദേശകതത്ത്വങ്ങളിൽപ്പെട്ട  ആചാരപ്രകാരമുള്ള ലാളിത്യവും  നൃത്താവതരണത്തിലെ കലാപ്രകടനത്തെ ഭക്തിസീമകൾക്കുള്ളിൽ നിയന്ത്രിച്ചുനിർത്താനുള്ള ആദേശങ്ങളും ലംഘിക്കപ്പെടുന്ന സാഹചര്യങ്ങളിൽ ഈ അനുഷ്ഠാനരൂപം 'കേവലം കായികപ്രകടനമായി' പലർക്കും അനുഭവപ്പെട്ടേക്കാം. മറ്റു പല  കലാമേഖലകളിലും സംഭവിച്ചു പോയ  മൂല്യച്യുതിയോട് സ്വാഭാവികമായി ഇതിനെ ചേർത്തു വായിക്കേണ്ടിയും വന്നേക്കാം. തിടമ്പ് നൃത്തത്തിലെ മൗലികതയുടെ വഴിയിലൂടെ മാത്രം സഞ്ചരിച്ച് ഈ കലാരൂപത്തെ ക്ഷേത്രകല എന്ന നിലയിൽ പുനരുജ്ജീവിപ്പിച്ച പരമാചാര്യനാണ് പുതുമന ഗോവിന്ദൻ നമ്പൂതിരി. തനതായ ഒട്ടേറെ സംഭാവനകൾ നൽകി ഭാരതത്തിനകത്തും പുറത്തുമായി അസംഖ്യം ബഹുമതികൾ നേടിയ ദേവനർത്തകനാണ് അദ്ദേഹം . ഇന്നും സ്വജീവിതത്തിലെ ഓരോ നിമിഷവും തിടമ്പ് നൃത്തത്തെ അദ്ദേഹം ഗഹനമായി ഉപാസിക്കുന്നു.

Read More