തിടമ്പ് നൃത്തം പിന്നിട്ട വഴികൾ 2 : ഉയർത്തപ്പെട്ട സമൂഹം

 തിടമ്പ് നൃത്തം പിന്നിട്ട വഴികൾ 2 : ഉയർത്തപ്പെട്ട സമൂഹം 

ഡോ. സുബിൻ ജോസ് 

വടക്കേ മലബാറിന്റെ താളാത്മകമായ കലാരൂപമാണ് തിടമ്പ് നൃത്തം. തിടമ്പ് നൃത്തത്തിലെ ഓർമ്മകളും കഴിഞ്ഞ കൊല്ലങ്ങളിലെ നിരീക്ഷണങ്ങളും ചരിത്രബോധവും ഒത്തിണങ്ങുമ്പോഴാണ് ഇതിന്റെ വഴികളെ ആധികാരികമായി അടയാളപ്പെടുത്താൻ നാം പ്രാപ്തരാക്കുക. തിടമ്പ് നൃത്തത്തെക്കുറിച്ച് കൂടുതലന്വേഷിക്കുന്നവർക്ക് ആവേശമാണ്

അറുപതോളം വര്ഷങ്ങളായി ഈ നാടൻ കലയുടെ വിവിധമേഖലകളിൽ പ്രവർത്തിച്ച പുതുമന ഗോവിന്ദൻ നമ്പൂതിരി.

മഹാനായ കലാകാരനെന്ന നിലയിൽ അനുകരണീയമായ അനേകം സവിശേഷതകളുടെ സങ്കലനമാണ് അദ്ദേഹത്തിന്റെ ജീവിതം. തനി കേരളീയത്തനിമയോടെയുള്ള കലാകാരൻ. ലളിതമായ ജീവിതരീതി. അദ്ധ്വാനശീലം, സത്യസന്ധത, ആത്മാർഥത, കൃത്യത, വിശ്വാസ്യത തുടങ്ങിയ ഗുണങ്ങളെല്ലാം അദ്ദേഹത്തിന്റെ ശീലങ്ങളാണ്. അഹങ്കാരവും ധാർഷ്ട്യവുമില്ലാതെ ആരോടും പകയോ വിദ്വേഷമോയില്ലാതെ തിടമ്പ് നൃത്തത്തെ ഉപാസിച്ചും ധ്യാനിച്ചും കൊണ്ടുള്ള ജീവിതം. വിജയത്തിന്റെ പതക്കമണിയുവാൻ വിനയത്തിന്റെ പടവുകളേറണമെന്ന് അദ്ദേഹത്തിന്റെ സമർപ്പണം നമ്മളെ പഠിപ്പിക്കുന്നു. അധ്വാനശീലവും സ്ഥിരോത്സാഹവുമുണ്ടെങ്കിൽ വിജയം തേടിയെത്തുമെന്ന് അദ്ദേഹത്തിന്റെ  അനുഭവങ്ങൾ തെളിയിക്കുന്നു. ആർജ്ജവമുള്ള മനസ്സും ആർദ്രതയുള്ള ഹൃദയവുമുണ്ടെങ്കിൽ എത്ര അവഗണിക്കപ്പെട്ടാലും ഒരു ഗ്രാമകലയെയും ഒരു ദേശത്തേയും ലോകവ്യാപകമാക്കാം എന്നറിയുകയും അറിയിക്കുകയും ചെയ്തു അദ്ദേഹം.കഴിഞ്ഞ 60 വര്ഷങ്ങളായി നാടൻ കലയിൽ സാധാരണയിലുമപ്പുറമായ ചില സങ്കല്പങ്ങൾ വളർത്താനും അവ മറ്റുള്ളവരുമായി പങ്കുവയ്ക്കാനും പുതിയ തലമുറയ്ക്കും സമൂഹത്തിനും പരിചയപ്പെടുത്താനും അദ്ദേഹത്തിന് സാധിച്ചു. അദ്ദേഹം പ്രഭാഷണത്തിന്റെയും പ്രകടനത്തിന്റെയും വേദികളിൽ കാണികൾക്ക് ഊർജ്‌ജം പകർന്ന് വാക്കുകൾക്കതീതമായ ആത്മബന്ധമുണ്ടാക്കി. ഉരിയാടാത്ത തിടമ്പ് നൃത്ത വേദിയോടൊപ്പം അദ്ദേഹത്തിന്റെ വാക്കുകൾ, ഇടപെടലുകൾ, പ്രവൃത്തികൾ, തേടിയെത്തിയ ബഹുമതികൾ എന്നിവ സമൂഹത്തെ സ്വാധീനിച്ചു. പുതുമന ഗോവിന്ദൻ നമ്പൂതിരിയുടെ അനുഭവങ്ങളിൽ നിന്നും നമുക്ക് പഠിക്കുവാനും മറ്റുള്ളവരെ പഠിക്കുവാനും ഒത്തിരി കാര്യങ്ങളുണ്ട്.

Read More

തിടമ്പ് നൃത്തം പിന്നിട്ട വഴികൾ : സാമൂഹ്യവൽക്കരണം

 തിടമ്പ് നൃത്തം പിന്നിട്ട വഴികൾ : സാമൂഹ്യവൽക്കരണം 

ഡോ. സുബിൻ ജോസ് 

കഴിഞ്ഞ 60 ലേറെ വര്ഷങ്ങളായി കേരളത്തിലെ ക്ഷേത്ര നാടൻ കലാരംഗത്ത് വ്യക്തിമുദ്ര പതിപ്പിച്ച ഒരു നർത്തകശ്രേഷ്ഠനാണ് പുതുമന ഇല്ലത്ത് ഗോവിന്ദൻ നമ്പൂതിരി. തിടമ്പു നൃത്തമെന്ന ക്ഷേത്രവിഷയത്തിനു വേണ്ടി ജീവിതം സമർപ്പിച്ച പ്രതിഭ.

അദ്ദേഹത്തിന്റെ പൂർവ്വകാലപ്രവർത്തനങ്ങളിലേക്ക് തിരിഞ്ഞുനോക്കുമ്പോൾ ഇതിലേക്കുള്ള വരവും തുടക്കവും പ്രയാസമേറിയതായിരിക്കുന്നുവെന്ന് മനസ്സിലാക്കാനായി. വളരെ ചെറുപ്പത്തിൽ അദ്ദേഹം പരിശീലനം പൂർത്തിയാക്കിയതിനു ശേഷം അക്കാലത്തെ ക്ഷേത്രാനുഷ്ഠാനമായ ഉത്സവ നൃത്തത്തിൽ ഉന്നതമായ  പ്രാവീണ്യം നേടുകയും പിന്നീട് അതിനെ തിടമ്പ് നൃത്തമായി പുനർനിർവചിച്ച് പുതിയൊരു ക്ഷേത്രകലാരൂപമായി വളർത്തിയെടുക്കുകയും ചെയ്തു. തിടമ്പുനൃത്തത്തെ ഉത്തമനിലവാരത്തിലുള്ള കലാവിഷ്കാരമാതൃകയാക്കിയിട്ടും ക്ഷേത്രസമിതികൾക്ക് ഗോവിന്ദൻ നമ്പൂതിരിയുടെ ആഴമുള്ള അറിവുകളെയും അഭിപ്രായങ്ങളെയും സാധാരണക്കാരിലെത്തിക്കാനോ മറ്റു  പ്രസിദ്ധകലകളുടെ വിദഗ്‌ധരിലെത്തിക്കാനോ കഴിഞ്ഞിരുന്നില്ല. തിടമ്പുനൃത്തത്തിലെ ആചാരസംബന്ധിയായ ഉന്നതപ്രവർത്തനങ്ങളും ഉത്തരവാദിത്വങ്ങളും വഹിച്ചിരുന്ന ഇദ്ദേഹം സമാനദിശയിൽ തിടമ്പുനൃത്തകലയെ സാമാന്യജനത്തിനും സമൂഹത്തിനും എത്തിപ്പിടിക്കാവുന്ന തരത്തിൽ സാധാരണക്കാരന്റെ ഭാഷയിൽ അതിനെ സാമൂഹ്യവൽക്കരിച്ചു. തിടമ്പുനൃത്തത്തിലെ അദ്‌ഭുതപ്രതിഭയായ പുതുമനയുടെ വീക്ഷണത്തിൽ ഒരു കലാകാരനെന്നാൽ കലാകാരനും വിദ്യാർത്ഥിയും വിമർശകനും ആശാനുമാണ്.  പുതുമന ഗോവിന്ദൻ നമ്പൂതിരിക്ക് ഈ നിർവ്വചനം യോജിക്കുന്നു. തിടമ്പുനൃത്തത്തെ പൊതുവൽക്കരിച്ച് ലോകശ്രദ്ധ പിടിച്ചുപറ്റിയ ശേഷമാണ് അദ്ദേഹത്തെ എനിക്ക് പരിചയമാകുന്നത്. അദ്ദേഹത്തിന്റെ തിടമ്പുനൃത്തപ്രചാരണത്തിന്റെ പ്രവർത്തനങ്ങളും പ്രഭാഷണങ്ങളും കേൾക്കുവാനും അനുഭവിക്കുവാനും കഴിഞ്ഞുവെന്നതിൽ എനിക്കഭിമാനമുണ്ട്. ഗോവിന്ദൻ നമ്പൂതിരിയുടെ പ്രഭാഷണങ്ങൾ കേൾക്കുകയും ലിഖിതങ്ങൾ വായിക്കുകയും ചെയ്യുന്ന ഏതൊരാളിനും മനസ്സിലാകുന്ന ഒരു വസ്തുത, അദ്ദേഹത്തിന് തിടമ്പുനൃത്തത്തിലുള്ള താത്പര്യവും, അതിൽ കൂടി സമൂഹത്തെ ഉദ്ധരിക്കുക എന്ന പ്രക്രിയ നിർവ്വഹിക്കാൻ അദ്ദേഹത്തിനുള്ള വ്യഗ്രതയുമാണ്. ഇൻഡ്യയിൽത്തന്നെ അസാധാരണമായ ഒരു സാമൂഹികമാറ്റമാണ് 700 വർഷത്തെ പാരമ്പര്യമുള്ള കലയ്ക്ക് 60 വര്ഷം കൊണ്ട് അദ്ദേഹം നടപ്പാക്കിയത്. ചെറുതും വലുതുമായ പ്രാദേശികപ്രവർത്തിയ്ക്കു പുറമെ പുതിയ പ്രവർത്തനശൈലിയിലൂടെ അദ്ദേഹം തിടമ്പുനൃത്തത്തെ എല്ലാവർക്കുമായി അവതരിപ്പിച്ചു. വളരെയധികം ജനങ്ങൾ ചുരുങ്ങിയ കാലം കൊണ്ട് തിടമ്പുനൃത്തത്തിന്റെ പല വിവരങ്ങളും നേരിട്ട് അദ്ദേഹത്തിൽ നിന്ന് മനസ്സിലാക്കി. തിടമ്പുനൃത്തം വളർന്നതും വിപുലപ്പെട്ടതും പുതുമന ഗോവിന്ദൻ നമ്പൂതിരിയുടെ ശക്തമായ നേതൃത്വത്തിലൂടെയും അദ്ദേഹത്തിന്റെ ശ്രമങ്ങളെ പ്രോത്സാഹിപ്പിച്ച സാമൂഹിക സാഹചര്യങ്ങളിലൂടെയുമാണ്. ഗോവിന്ദൻ നമ്പൂതിരി ശ്രദ്ധിക്കുന്നത് ഇതുപോലുള്ള  വലിയ കാര്യങ്ങളിലാണ്. പുതുമന ഗോവിന്ദൻ നമ്പൂതിരിക്ക് ഇതുപോലുള്ള നല്ല പ്രവർത്തനങ്ങൾ തുടരാനുള്ള സാഹചര്യം ഉണ്ടാകട്ടെ. 

Read More

തിടമ്പുനൃത്തം തന്നെ ജീവിതം

തിടമ്പുനൃത്തം തന്നെ ജീവിതം 

വി കണ്ണൻ 

ആറു ദശകങ്ങളായി പുതുമന ഗോവിന്ദൻ നമ്പൂതിരിക്ക് തിടമ്പുനൃത്തവും ജീവിതവുമൊന്നാണ്. അനുഷ്ഠാനം മാത്രമായിരുന്ന തിടമ്പുനൃത്തത്തെ ദീർഘകാലത്തെ കഠിനമായ സാധനയിലൂടെയും പരിശ്രമത്തിലൂടെയും അദ്ദേഹം ക്ഷേത്രകലയാക്കി ഉടച്ചുവാർത്തു. ഈ രൂപീകരണത്തിൽ സാമ്പ്രദായികതയും മൗലികതയും നിലനിർത്തിയതിലാണ് അദ്ദേഹത്തിന്റെ പ്രാധാന്യം. അദ്ദേഹത്തിലൂടെ ഉയർന്നുവന്ന തിടമ്പുനൃത്തത്തെ എല്ലാ ജനങ്ങളിലേക്കുമെത്തിക്കാൻ തലമുതിർന്ന ഈ കലാകാരൻ ഏറെ പരിശ്രമിക്കുന്നു.  തിടമ്പുനൃത്തകലയുടെ സംസ്‌കൃതരൂപത്തെ ലോകത്തിന് പരിചയപ്പെടുത്തിയത് പുതുമനയാണ്. 

കുട്ടിക്കാലം മുതൽ തിടമ്പുനൃത്തത്തോട് തീവ്രമായ ഇഷ്ടമായിരുന്നു ഗോവിന്ദൻ നമ്പൂതിരിയ്ക്ക്. കൂടുതൽ ആർക്കും അറിയാത്ത അനുഷ്ഠാനരൂപമായിരുന്നതുകൊണ്ട് മനസ്സിൽ അന്വേഷിക്കാനും നിരീക്ഷിക്കാനുമുള്ള ആശ കൂടി. തുടർന്ന് ജീവിതത്തിൽ  ദൃഢനിശ്ചയത്തോടെ തീരുമാനമെടുത്തു. ആത്മസമർപ്പണമായ നൃത്തപഠനവും പരിശീലനവും. തിടമ്പുനൃത്തത്തിന് സമർപ്പിച്ച ജീവിതം.

Read More

തിടമ്പുനൃത്തകലയുടെ അനുഭവജ്ഞാനി

 തിടമ്പുനൃത്തകലയുടെ അനുഭവജ്ഞാനി 

-Ramakrishnan VK

പ്രായം ഇത്രയുമായെങ്കിലും പുതുമന ഗോവിന്ദൻ നമ്പൂതിരിയുടെ അരങ്ങിലെ തിടമ്പ് നൃത്തം ആട്ടത്തിന് ഇപ്പോഴും മങ്ങലേറ്റിട്ടില്ലെന്നാണ് അനുഭവജ്ഞർ പറയുന്നത്. അടുത്ത അരങ്ങുകളിലേക്ക് പുതുമനയ്ക്ക് പ്രചോദനമാകുന്നത് ഈ വർത്തമാനങ്ങളാണ്. തിടമ്പ് നൃത്തക്കാരന്റെ ചിട്ടവട്ടങ്ങൾക്ക്  കോട്ടം വരാതെ സൂക്ഷിക്കുന്നു പുതുമന, പല ചിട്ടകളും വഴികളും അദ്ദേഹം സൃഷ്ടിച്ചതും. തിടമ്പ് നൃത്തത്തിന്റെ വലിയാശാനാണ് പുതുമന. 

തിടമ്പ് നൃത്ത അഭ്യസനത്തിന്റെ ഓർമ്മ പുതുമനയ്ക്ക് വികാരഭരിതമായ ഗൃഹാതുരത്വമാണ്. തിടമ്പ് നൃത്തം തുള്ളിയാടി പഠിച്ച കാലം. അന്ന് തൊട്ടിന്നു വരെ തിടമ്പിനായി ഉഴിഞ്ഞുവച്ച ജീവിതം. വലിയ കലാകാരനെന്നതോടൊപ്പം നൂറു ശതമാനവും കലാസ്വാദകനുമാണ് താനെന്ന് ഗോവിന്ദൻ നമ്പൂതിരി പറയുന്നു. കഥകളിയിലെയും മറ്റും വലിയ കലാകാരന്മാരുമായുള്ള ഇടപഴക്കം. ഉറക്കമൊഴിഞ്ഞുള്ള അരങ്ങുകളിൽ ഭക്തിയോടെ നൃത്തം ചെയ്യാൻ ഭക്തജനങ്ങളുടെയും മഹാന്മാരായ കലാകാരന്മാരുടെയും അനുഗ്രഹം അദൃശ്യശക്തിയാണെന്ന് അദ്ദേഹം പറയുന്നു. ഈ വിനയമാണ് പുതുമനയെ കേരളത്തിലെ മഹനീയവ്യക്തിയായി പ്രതിഷ്ഠിക്കാൻ കാരണമായത്.

Read More

പുതുമനയുടെ അരങ്ങാട്ടങ്ങൾ - അരങ്ങിലെ തിടമ്പാട്ടങ്ങൾ

 പുതുമനയുടെ അരങ്ങാട്ടങ്ങൾ -
അരങ്ങിലെ തിടമ്പാട്ടങ്ങൾ  

                                                                                - ദിലീപ് മേനോൻ

തിടമ്പ് നൃത്ത കലാപ്രകടനത്തിന്റെ സവ്യസാചിയാണ് പുതുമന  ഗോവിന്ദൻ നമ്പൂതിരി. സമൂഹത്തിന് വേണ്ടി നിർഭയം പ്രവർത്തിക്കുന്ന കലാകാരൻ. അനേകം അരങ്ങാട്ടങ്ങളിലൂടെയും അനവധി പ്രഭാഷണങ്ങളിലൂടെയും അദ്ദേഹത്തിന്റേതു മാത്രമായ ശൈലി. അരങ്ങിലെ പുതുമനയുടെ ഓരോ അടവുകളും സദസ്സിനോട് ഒരുപാട് കാര്യങ്ങൾ പറയുന്നു. നൃത്തപ്രകടന ചാതുര്യത്തിന്റെ മുഴുമ. ആവിഷ്കാരമാധുര്യത്തിന്റെ മുറിയാത്ത ധാര. നർത്തനചാരുതയും വൈഭവവും വാസനയും പുതുമനയുടെ അരങ്ങാട്ടങ്ങളെ ആളുകളിലേക്കടുപ്പിക്കുന്നു. പുതുമനയുടെ ഇടപെടലുകളും നീക്കങ്ങളും ആളുകൾക്ക് ആകർഷകമായ പരസ്പര്യത്തിൽ എത്തിക്കുന്നു. പുതുമനയുടെ ഓരോ തുള്ളിനും വേറൊരു താളമുണ്ട് ഈണമുണ്ട്. ജനങ്ങളെ ഒന്നായി ആടിക്കുന്ന ഒരുമയുടെ ഭാഷയാണ് പുതുമനയുടെ ആനന്ദച്ചുവടുകൾക്ക്. ആളുകളുടെ മനസ്സിൽ പ്രതീക്ഷയുടെ നക്ഷത്രം പൊങ്ങിവരുന്നത് അപ്പോളാണ്. ഈ അരങ്ങാട്ടങ്ങൾക്ക് മുന്ഗാമികളുമില്ല പിന്ഗാമികളുമില്ല. അസാധാരണമായ അവതരണം. പുതുമനയുടെ ജനകീയതാളങ്ങൾ. പദതാളങ്ങളുടെ സർഗലാവണ്യം. ലോക കലാപ്രണയിയുടെ മനസ്സിൽ ഒരു ആന്ദോളനം.

Read More

പുതുമന ഗോവിന്ദൻ നമ്പൂതിരിയുടെ സാംസ്കാരിക നവോത്ഥാനം

- ജയകൃഷ്ണൻ വി. ഈ. 

കേരളത്തിലെ നാശോന്മുഖമായിരുന്ന ക്ഷേത്രാചാരപാരമ്പര്യത്തെ പുനരുജ്ജീവിപ്പിച്ച കലാകാരനാണ് പുതുമന ഗോവിന്ദൻ നമ്പൂതിരി. ആര്യസംസ്കൃതിയും ആര്യൻ പാരമ്പര്യവും മാത്രം ഉൾപ്പെട്ടിരുന്ന തിടമ്പ് നൃത്തമെന്ന അനുഷ്ഠാനത്തിലെ കലാസാധ്യതകൾ നമ്പൂതിരിയുടെയിലൂടെ  കണ്ടെത്തപ്പെടുകയായിരുന്നു. ദ്രാവിഡ പാരമ്പര്യകലാരൂപങ്ങളെപ്പോലെ മറ്റൊരു ക്ഷേത്രകലയാക്കി ഗോവിന്ദൻ നമ്പൂതിരി തിടമ്പ് നൃത്തത്തെ വളർത്തിയെടുത്തു. കേരളത്തിൽ മാനവികതയുടെ വിളംബരം ചെയ്ത ആദ്യത്തെ നവോത്ഥാനനായകനായിരുന്നു ശ്രീനാരായണഗുരു. ശ്രീനാരായണഗുരുവിന്റെ പാത പിന്തുടർന്നുകൊണ്ട് തിടമ്പ് നൃത്ത കലാസാംസ്കാരികപ്രവർത്തനത്തിലൂടെ വിശാലമായ മാനവികൈക്യം ആകൃതിപ്പെടുത്തുന്നതിൽ ചെറിയ സംഭാവന ചെയ്യാൻ നമ്പൂതിരിക്ക് സാധിച്ചുവെന്നത് ശ്‌ളാഘനീയമാണ്.  പുതുമന ഗോവിന്ദൻ നമ്പൂതിരിയുടെ നവോത്ഥാനദർശനം വ്യതിരിക്തമാണ്. നവീനകലാരസികർക്ക് തിടമ്പ് നൃത്തത്തിലെ പ്രാവീണ്യത്തെകൂടാതെ കലാജ്ഞാനവും അദ്ദേഹം പകർന്നുനൽകുന്നു. സാംസ്കാരികോന്നതിയുടെ ഇത്തരം സ്നേഹവിരുന്നുകളിലൂടെയാണ് ഗോവിന്ദൻ നമ്പൂതിരി നവോത്ഥാനവഴിയിൽ വിപ്ലവവും പരിഷ്കരണവും നേടിയെടുത്തത്. ആർഷഭാരതസംസ്കാരത്തിന്റെ ചരിത്രപശ്ചാത്തലത്തിന് സമാദരണീയമായ പ്രാധാന്യം കൊടുത്തുകൊണ്ട്  തിടമ്പ് നൃത്തത്തിന് കലയെന്ന നിലയിൽത്തന്നെ ഒരു നൂതനസ്ഥാനം. യാഥാസ്ഥിതികർ നിഗൂഢമായി പൊതിഞ്ഞുവെച്ച നൃത്തമെന്ന ആചാരത്തെ തിടമ്പ്നൃത്തമെന്ന ക്ഷേത്രകലയാക്കുന്നത് ഗോവിന്ദൻ നമ്പൂതിരിയാണ്. സമൂഹത്തിലെ അനീതിക്കും അന്ധവിശ്വാസങ്ങൾക്കും അനാചാരങ്ങൾക്കും അസമത്വത്തിനുമെതിരെ കലാപരമായും ആദ്ധ്യാത്മികവുമായ ആധാരത്തിലൂന്നി നടത്തിയ പൊതുവേദിയിലെ തിടമ്പ് നൃത്താവതരണം. കേരളജനതയെയാകെ ഉണർത്തി ഏകീകരിച്ച സാമൂഹ്യവിളംബരം. വേദിയോരോന്നിലും അദ്ദേഹം കൊടുത്തത് വലിയ സന്ദേശങ്ങളാണ്. വിവേചനങ്ങൾ ഇല്ലാതാക്കി സമൂഹത്തെ ഒന്നായിക്കാണാനുള്ള ദൗത്യം.  

Read More

പുതുമന : ക്ഷേത്രനർത്തനത്തിന്റെ മഹാരഥൻ

/ പ്രമീള മഞ്ഞവയൽ / 

ദക്ഷിണേന്ത്യൻ ക്ഷേത്രനർത്തനത്തിൽ ക്ഷേത്രവേദികളിലും പൊതുവേദികളിലും ഒന്നുപോലെ സ്നേഹബഹുമാനങ്ങൾ നേടിയെടുത്ത പരമോന്നതകലാകാരനാണ് പുതുമന ഗോവിന്ദൻ നമ്പൂതിരി. പുതിയ കലകളുടെ വരവിൽ പഴമയുടെ ഒരു മൂലയിൽ ഒതുങ്ങി കാലക്രമത്തിൽ ഇല്ലാതാകുമായിരുന്ന തിടമ്പു നൃത്തത്തിന്റെ പൂർവ്വാചാര പാരമ്പര്യോപദേശ സംരക്ഷകനാണ് ഗോവിന്ദൻ നമ്പൂതിരി. ഗോവിന്ദൻ നമ്പൂതിരിയുടെ നിഷ്ഠയിലൂടെയും അനുഭവത്തിലൂടെയും പ്രയോഗത്തിലൂടെയും പാരമ്പര്യപ്പകർച്ചയായ തിടമ്പ് നൃത്തം ആചാരാടിസ്ഥാനത്തിൽ സംരക്ഷിതമായി. തിടമ്പുനൃത്തആചാരത്തിലെ കലയെ കണ്ടെത്തി ഏവരും ആദരിക്കുന്ന ഉന്നതസ്ഥിതിയിലേക്ക് അദ്ദേഹം അതിനെ പ്രതിഷ്ഠിച്ചു.

ക്ഷേത്രനൃത്തനത്തിൽ ഇത്രയേറെ ഉയരങ്ങൾ കീഴടക്കുന്നതിനു പുറകിലുള്ള രഹസ്യം സ്ഥിരമായ സാധകവും കഠിനാദ്ധ്വാനവുമാണെന്ന് അദ്ദേഹം പറയുന്നു. ഭാരതത്തിലുള്ള നൃത്തകലാപ്രേമികളെക്കാൾ ഭാരതത്തിനപ്പുറത്തെ ആസ്വാദകർ ഗോവിന്ദൻ നമ്പൂതിരിയുടെ അടവുകളും ചുവടുകളും പഠിക്കുന്നു. നമ്പൂതിരിയെപ്പോലെ ഭാരതത്തിന്റെ സാംസ്കാരിക പൈതൃകത്തിൽ മാത്രം മനസ്സർപ്പിച്ച് പ്രസിദ്ധിയോ പൊതുജനപ്രീതിയോ കാംക്ഷിക്കാതെ ജീവിക്കുന്ന പ്രതിഭകൾ അപൂർവ്വം. പുരാണചരിതങ്ങളുടെ ആവിഷ്കരണമായി തിടമ്പു നൃത്തത്തെ പുനഃക്രമീകരിച്ച പുതുമന പല നൂറ്റാണ്ടുകളോളം അവഗണനയുടെ കയ്പ്പറിഞ്ഞ ജനവിഭാഗങ്ങളിലേക്ക് കലയുടെ മധുരം വിളമ്പിക്കൊടുത്തു. അദ്ദേഹം എല്ലാ ജനങ്ങളിലേക്കും ധൈര്യപൂർവ്വം കടന്നുചെന്ന് നർത്തനത്തിന്റെ പുതിയ ഇതിഹാസം രചിച്ചു. അപ്രകാരം  തിടമ്പു നൃത്തമെന്ന കലയ്ക്ക് ഉന്നതമായ സ്ഥാനവും ചരിത്രവും ലഭിച്ചു. പുതുമന ഗോവിന്ദൻ നമ്പൂതിരി ഇന്ന് ഭാരതീയസംസ്കാരത്തിന്റെയും കേരളീയപാരമ്പര്യത്തിന്റെയും സ്ഥാനപതിയായും പ്രതിപുരുഷനായുമായി അറിയപ്പെടുന്ന രാജ്യാന്തരപ്രാധാന്യമുള്ള കലാകാരനാണ്.  

Read More

പുതുമനയുടെ നൃത്തകേരളം

 കെ. എം. സുധാകരൻ 

കലാകേരളത്തിന്റെ അനുഗ്രഹീതകലാകാരനാണ് ജനങ്ങളുടെ ഇഷ്ട ക്ഷേത്രതിടമ്പുനർത്തകനായ ഇതിഹാസം പുതുമന ഗോവിന്ദൻ നമ്പൂതിരി. എപ്പോഴും പുതുമന ഗോവിന്ദൻ നമ്പൂതിരിക്ക് വഴികാട്ടിയായത് ജനങ്ങളുടെ പ്രോത്സാഹനവും പിന്തുണയുമാണ്. അതികഠിനമായ അഭ്യാസമുറകളും പരിശീലനവും നേടിയ ഗൗരവമുള്ള പ്രാചീന ക്ഷേത്രകലാകളരിയിലെ അതികായനാണദ്ദേഹം. തിടമ്പ് നൃത്തത്തിലെ കാലടികളും ചവിട്ടുകളും ഹൃദിസ്ഥമാക്കാനായി കാലത്ത് നേരം മൂന്നു മുതൽ കരിങ്കല്ലിൽ കൊട്ടി പഠിക്കുന്നതോടൊപ്പം പഴയ സമ്പ്രദായാനുസരണം ചെപ്പുകുടത്തിൽ പൂഴി നിറച്ച് വർഷങ്ങളായി തുള്ളി ശീലിച്ചാണ് തിടമ്പ് നൃത്തത്തിൽ അദ്ദേഹം അരങ്ങേറ്റം കുറിച്ചത്. അഞ്ചാം വയസ്സു തൊട്ട് തിടമ്പുനൃത്തത്തിനോട് അധികമായ ആവേശം കാണിച്ചിരുന്നു അദ്ദേഹം. അക്കാലം മുതൽ തന്നെ അദ്ദേഹത്തിന് തിടമ്പ് നൃത്തത്തോട് അധികമായ അന്വേഷണചിന്തയുമുണ്ടായി. അരങ്ങേറ്റം കുറിച്ചത് മുതൽ ഇന്നുവരെ അദ്ദേഹത്തിന് തിരിഞ്ഞുനോക്കേണ്ടി വന്നില്ല. ഇരുപതോ ഇരുപത്തിയഞ്ചോ വയസ്സാവുമ്പോഴേക്കും തന്നെ വടക്കൻ കേരളത്തിലെ ക്ഷേത്രങ്ങളിലെല്ലാം പുതുമന ഗോവിന്ദൻ നമ്പൂതിരി തിടമ്പുനൃത്തമാടുകയും പല പ്രധാനക്ഷേത്രങ്ങളിലും പ്രമാണി തന്നെയാകാൻ യോഗ്യത നേടുകയും ചെയ്തു. അദ്‌ഭുതകരമായ നടനപ്രകടനത്തിലൂടെ പുതുമനയുടെ നൃത്തം ഭക്തജനങ്ങളെ വിസ്മയിപ്പിച്ചു. കലകൾ ഇഷ്ടപ്പെടുന്ന എല്ലാ കൂട്ടർക്കും എന്റെ തിടമ്പ് നൃത്തം വീക്ഷിക്കുവാൻ കഴിയുന്നില്ലല്ലോ എന്ന വിഷമം അദ്ദേഹത്തിനുണ്ടായി. തുടർന്ന് ജാതി-മത-വർണ്ണ-വർഗ്ഗവ്യത്യാസമില്ലാതെ എല്ലാവർക്കുമായി അദ്ദേഹം തിടമ്പ് നൃത്തത്തെ ചിട്ടപ്പെടുത്തുകയും അതിന് വലിയ മഹത്വം നൽകുകയും ചെയ്തു. വളരെകൊല്ലങ്ങളുടെ ശ്രമത്താൽ .ക്ഷേത്രാനുഷ്ഠാനമായിരുന്ന തിടമ്പ് നൃത്തത്തെ അദ്ദേഹം ക്ഷേത്രകലയായും തുടർന്ന് ശാസ്ത്രീയകലയായും അദ്ദേഹം രൂപപ്പെടുത്തി. തിടമ്പ് നൃത്തത്തിന്റെ അനുഷ്ഠാനഭാഗങ്ങൾ മാറ്റി നിർത്തി കലാഭാഗങ്ങളെ ക്ഷേത്രമതിൽക്കെട്ടിനു പുറത്ത് എല്ലാ ജനങ്ങളിലേക്കും എത്തിക്കുകയും ചെയ്തു. 

Read More

സാമൂഹികസംയോജനം തിടമ്പ് നൃത്തത്തിലൂടെ

- കെ. ചന്ദ്രിക 

ഉത്തരകേരളത്തിലെ നാടൻ കലകൾക്കും ആഘോഷങ്ങൾക്കും സാംസ്കാരികമായി വലിയ പ്രാധാന്യമുണ്ട്. വർത്തമാനകാലത്തിൽ ഈ കലകളുടെ ഉത്തരവാദിത്വവും സാംസ്കാരികപരവും കലാപരവുമായ സമൂഹത്തിന്റെ ചാലകശക്തിയാകുക എന്നതാണ്. ഉത്തരകേരളത്തിലെ ക്ഷേത്രോത്സവത്തോടനുബന്ധിച്ച് നടക്കുന്ന ക്ഷേത്രകലയാണ് തിടമ്പ് നൃത്തം. പുതുമന ഗോവിന്ദൻ നമ്പൂതിരി എന്ന തിടമ്പ് നൃത്ത കലാകാരൻ നടത്തിയത് മാനവസമൂഹത്തിന്റെ കണ്ണികളെയെല്ലാം സജീവമായി സംയോജിപ്പിക്കുക എന്ന കർത്തവ്യമാണ്. "നാം ശരീരമല്ല, അറിവാകുന്നു. ശരീരം ഉണ്ടാകുന്നതിനു മുൻപിലും അറിവായ നാം ഉണ്ടായിരുന്നു. അറിവിലൂടെ മോചനം നേടുക" എന്ന് ശ്രീനാരായണഗുരു പറഞ്ഞിട്ടുണ്ട്. ഗുരുദേവൻ പറഞ്ഞതുപോലെ പുതുമന ഗോവിന്ദൻ നമ്പൂതിരിയുടെ തിടമ്പ് നൃത്തം മനുഷ്യസമൂഹത്തെ ഒന്നായി നിലനിർത്താനും അവരുടെ ആത്മവികാസത്തിനു വേണ്ടിയുമാണ്. ഭേദങ്ങളെല്ലാം മനുഷ്യനു മുന്നിൽ അസ്തമിക്കേണ്ടതല്ലേ? എന്ന് ഗോവിന്ദൻ നമ്പൂതിരി ചോദിച്ചിരുന്നു. സമൂഹത്തിനു മുന്നിലെത്തിയ ഈ പുതുവിദ്യ സാംസ്കാരികജീവിതത്തിന്റെ ചലനചക്രത്തെ തിരിച്ച് യോജിക്കുക എന്ന പൗരധർമ്മത്തെ ഓർമ്മിപ്പിക്കുന്നു. എല്ലാവരെയും ഒരുപോലെ കാണാനും എല്ലാ മനുഷ്യർക്കും ഒരുപോലെ നീതി ലഭിക്കാനും ബന്ധങ്ങളെ ദേശീയമായി ഐക്യപ്പെടുത്താനും കേരളത്തിലെ സഹ്യപർവ്വതവും അറബിക്കടലും സാക്ഷിയാക്കി പുതുമന ഗോവിന്ദൻ നമ്പൂതിരി നടത്തിയ സാംസ്കാരികപ്രവർത്തനം ഇന്ന് സമൂഹജീവിതത്തെയാകെ ആലിംഗനം ചെയ്യുന്നു. ഗോവിന്ദൻ നമ്പൂതിരിയുടെ തിടമ്പ് നൃത്തം ഇന്ന് സമൂഹത്തിന്റെ താളമാണ്. 

"വിദ്യകൊണ്ട് സ്വതന്ത്രരാവുക" ശ്രീനാരായണഗുരുവിന്റെ ഉദ്ധരണികൾ

Read More

ആത്മസാന്ത്വനമായി തിടമ്പ് നൃത്തം

- കെ. ചന്ദ്രിക 

ഇന്ത്യയിലെ അറിയപ്പെടുന്ന ക്ഷേത്രകലാകാരനും, മലബാറിലെ ക്ഷേത്രങ്ങളിലെ അറിയപ്പെടാത്ത അനുഷ്ഠാനമായിരുന്ന തിടമ്പ് നൃത്തത്തെ അന്തർദ്ദേശീയമായ അതിരുകളോളം കൊണ്ടെത്തിച്ച തിടമ്പ് നൃത്ത കുലപതിയുമാണ് പുതുമന ഗോവിന്ദൻ നമ്പൂതിരി. മൂന്നു വയസ്സു മുതൽ അമ്പലത്തിലെ നൃത്തം കണ്ടു തുടങ്ങിയ ഈ കലാകാരന് എന്നെങ്കിലും ഒരു നർത്തകനാകണമെന്ന ആഗ്രഹം കലശലായിരുന്നു. ബാലാവസ്ഥയിൽ തന്നെ അത് സഫലമായെങ്കിലും അറുപതു വർഷത്തോളം ദീർഘിച്ചുനിൽക്കുന്ന ആ മോഹത്തിന് കുറവില്ല ഇന്നും. കേരളത്തിലും, തെക്കൻ കർണ്ണാടകയിലുമുള്ള ക്ഷേത്രമുറ്റങ്ങളിലെല്ലാം തിടമ്പ് നൃത്തം ആടിത്തകർത്തിട്ടുണ്ട് ഗോവിന്ദൻ നമ്പൂതിരി. അമ്പലദൈവങ്ങൾ നൃത്തമാടാൻ വിളിച്ചപ്പോൾ കുട്ടിയായ പുതുമന ഗോവിന്ദൻ വിദ്യാലയജീവിതം നിർത്തി. അറുപതാണ്ടോളമുള്ള കലാപരിശീലന - കലാപ്രകടനകാലം തുടങ്ങിയത് അങ്ങനെ. ക്ഷേത്രങ്ങളുടെയും കാവുകളുടെയും പ്രൗഢിയുടെയും കലാപാരമ്പര്യത്തിന്റെയും ആചാരചരിത്രങ്ങളുടെയും അടയാളങ്ങൾ വഹിക്കുന്ന വ്യത്യസ്തഗണത്തിൽപ്പെട്ട തിടമ്പു നൃത്തങ്ങൾ അവതരിപ്പിച്ച ഒരേയൊരു കലാകാരനേയുള്ളൂ, അത് പുതുമന ഗോവിന്ദൻ നമ്പൂതിരിയാണ്. ക്ഷേത്രനിഷ്ഠകളും ചടങ്ങുകളും കീഴ്വഴക്കങ്ങളും തിടമ്പ് നൃത്തത്തിൽ വഴിമാറുന്നതും ഈ കലാകാരനു മുന്നിലാണ്, ഏതുകൊണ്ടെന്നാൽ  ഏഴു നൂറ്റാണ്ടുകൾക്കും പിറകിലെ ആദിമതാളങ്ങളും പ്രാചീനച്ചുവടുകളും തികഞ്ഞ മറ്റൊരു നൃത്തക്കാരനില്ല. 

അമ്പലത്തിലെ തേവരുടെ സൂക്ഷ്മമായ ലക്ഷണങ്ങളൊക്കെ സ്വാഭാവികമായി സന്നിവേശിപ്പിക്കാനും ഇതുപോലെ വേറൊരു നർത്തകൻ ഉണ്ടായിട്ടില്ല. സാധകസമർപ്പണവും അനുഗ്രഹസിദ്ധിയും നർത്തനഭംഗിയും ഒത്തിണങ്ങിയിരുന്ന പഴയ കേരളീയകലാചാര്യന്മാരിലെ അവസാനകണ്ണികളിലൊന്നാണ് പുതുമന ഗോവിന്ദൻ നമ്പൂതിരി, അപ്രത്യക്ഷമാകുമായിരുന്ന തിടമ്പ് നൃത്തത്തിന്റെ മൗലികതയെയും തനിമയെയും ജീവൻ കൊടുത്ത് നിലനിർത്തിയ പരമാചാര്യനും. വെറുംവിനോദം പോലെയും തമാശകളി പോലെയും പല മലയാളകലകളുടെയും അവതരണത്തിന്റെ നിലവാരത്തകർച്ച  ലോകം അഭിമുഖീകരിച്ചിരുന്നപ്പോൾ അതിനിടയിൽ തലയുയർത്തിനിന്ന നൃത്തസചിവൻ, തിടമ്പ് നൃത്തത്തിലെ പൗരാണികപദന്യാസങ്ങളെ നിലനിർത്തി നെഞ്ചേറ്റിയ ഒറ്റയാൻ. ഇത്രയും കലാജ്ഞാനമുള്ള ക്ഷേത്രനർത്തകർ ഇന്ത്യയിൽ അപൂർവ്വമാണ്. തിടമ്പ് നൃത്തത്തിൽ അഞ്ചു കൊല്ലത്തെ ശാസ്ത്രീയപഠനത്തിന് ശേഷമാണ് പുതുമന ഗോവിന്ദൻ നമ്പൂതിരി ആദ്യമായി നൃത്തമാടിയത്. മന്ത്രങ്ങൾ ഉരുക്കഴിച്ചു വ്രതമെടുത്ത് ആദ്യനർത്തനം നടത്തിയത് നമ്പൂതിരിക്ക് ദൈവീകമായ അനുഭവമായിരുന്നു. ആദ്യത്തെ നൃത്തമാടാൻ പോലും അനുവാദമുണ്ടാകാൻ തീക്ഷ്ണമായ വാക്തർക്കങ്ങളും എതിർപ്പുകളും അന്ന് നിലനിന്നിരുന്നു. കാഞ്ഞങ്ങാടുള്ള സുബ്രഹ്മണ്യക്ഷേത്രത്തിലായിരുന്നു അതിഗംഭീരമായ തുടക്കം. തിടമ്പ് നർത്തകനായ പുതുമന ഗോവിന്ദൻ നമ്പൂതിരിയുടെ ജൈത്രയാത്രയുടെ ആരംഭമായിരുന്നു അത്. ഓരോ ക്ഷേത്രത്തിലെയും തിടമ്പ് നൃത്തം ദൈവത്തിന്റെ അനുഗ്രഹമാണ് നൽകുന്നതെന്ന് അദ്ദേഹം പറയുന്നു. പുതുമന ഗോവിന്ദൻ നമ്പൂതിരി ഒരു അമ്പലത്തിൽ ഒരിക്കൽ  നർത്തനമാടിയാൽ പിന്നീട്   പതിവായി എല്ലാ വർഷവും അദ്ദേഹത്തെ ഏൽപ്പിക്കുന്നത് ഒരു പതിവാണ്. ഒരമ്പലത്തിൽ നിന്നും പ്രതിഫലം ചോദിച്ച്‌ വാങ്ങാത്ത ഒരേയൊരു കലാകാരനും അദ്ദേഹമായിരിക്കാം. പുതുമന ഗോവിന്ദൻ നമ്പൂതിരിക്ക് തിടമ്പ് നൃത്തം സമർപ്പണമാണ്. കേരളത്തിനുള്ളിലും കേരളത്തിനു വെളിയിലും തിടമ്പ് നൃത്തം കാലമൊരുപാടായി തിടമ്പുനൃത്തം അവതരിപ്പിച്ചുവരുന്ന പുതുമന ഗോവിന്ദൻ നമ്പൂതിരി ഇന്ത്യൻ ക്ഷേത്രകലാചാര്യന്മാരുടെ പട്ടികയിൽ പ്രഥമസ്ഥാനത്തു തന്നെയാണ്.

Read More

MUDIYETTU

MUDIYETTU

It is believed that various forms of arts worshipping goddess Bhadrakaali prevailed much before the origin of temples. Once the worship of gods and goddesses started at the temples, various types of arts used to be performed to please goddess Bhadrakaali at Bhadrakaali temples. By and large, many of them were ruined while others continued to be performed systematically and in a more dramatic manner. "Mudiyettu" is one among them, a mixture of entertainment and devotion. The period of origin of Mudiyettu is un-traceable. This art is more of a ritual than dramatic. "Theeyaattu" is another ritual performed in Bhadrakaali temples. Mudiyettu is the story of the war of Bhadrakaali with the two notorious Asuras Daarikan and Daanavendran, eventually Killing them, while in Theeyaattu, Bhadrakaali reports to Lord Paramasiva after the assassination and briefs the whole incident. Mudiyettu, compared to other forms of temple arts, is presented without much of `mudras', facemasks and facial expressions, but with facial make-ups and `chutti' (artwork done on face with rice paste) which makes the characters simple and more acceptable to the viewers. Originally these characters used to perform with speech and dance, but later on rhythmic steps were introduced which gives more life to the characters and makes the performance more interesting.

Mudiyettu is a ritual art where viewers also participate in the performance. Once the artists get separated, ie, since they `come to the light', the scene becomes more dramatic. It can be inferred that the character `Kooli' in Mudiyettu is the first of its kind to amuse the viewers by comic speech and action.

The story of Mudiyettu goes like this: Daarika and Daanavendra were two notorious Asuras, born to Daarumathi and Daanamathi. In order to achieve more powers, they performed severe penance and Lord Brahma was finally forced to appear before them. They demanded the boon for immortality, but Lord Brahma declined this request as death was inevitable for anybody once taken birth. The Asura brothers then compromised with the boon that no males can ever kill them. Lord Brahma then asked them why they did not demand that females also could not kill them. The asuras enraged by the pride of the boon they got, retorted "It is a disgrace to us and our community to demand likewise.How how dare a female kill us as long as we are strong enough for anyone to harm us?". Annoyed by the pride of these Asuras and sensing their evil intentions, Lord Brahma curses them-"Let you be killed by a female". This part of the story is not performed in Mudiyettu. Following are the sequence of scenes presented.

Mudiyettu may well be considered older than all other existing theatre forms of our country. It is definitely older than Koodiyattam, as the dramatic concept is much cruder and folklorish. Moreover, it belongs to the period when worship was conducted in "Kavu" (grove), for temples were yet unknown in these parts of the country. Worship of nature as mother was a salient feature of our culture and no wonder this is evident in most of our ritualistic art forms.

There are few distinguishing features of Mudiyettu, which highlight its ritualistic nature. The absence of a restricted and designated stage ensures the viewers' involvement, which is an essential aspect of Mudiyettu. The near-total absence of Hasthamudras (Hand gestures) perhaps the most important element of acting in Kathakali, Koodiyattam and the like is a clue to its ancestry.

The theme of the performance is the well-known story of the incarnation of Bhadrakali as the compilation of the positive forces of the universe and as the sum total of the strength of all the gods. It was essential as the adversary was the concentration of all that are evil, viz., ferocity, oppression and disease. Mudiyettu has succeeded in presenting both these adversaries in their full glory through well-composed flowing movements in unison with an awe-inspiring performance by percussionists, the like of which can be witnessed only in Kerala.

Mudiyettu was considered the ultimate remedy against the most dreaded epidemic, Small Pox. Still, popular belief is strong as is indicated by the rush of devotees wanting the blessing of the actor performing as Kali. Blessing of the entire village by him at the end of the performance is an essential part of the performance.

There are few mandatory rituals needed to be performed before Mudiyettu is performed at a venue. These include Kalamezhuthu and Pattu and Kuruthi (Sacrifice). The former is to please the deity herself whereas the latter is intended for her Bhoothagana (the army of demons).

There are many scenes in the performance like the Narada delivering the message to Lord Shiva the stress is on three important scenes namely, (i) Darikan's entry, (ii) Kali's entry and (iii) the fight.

Perhaps the earliest existence of comic characters in Theatre can be found in Kooli and Koimpadar. The former, a representative of the demon warriors is a fore-runner of Bheeru in Kathakali, who tries to amuse the audience by crude extempore actions, while the latter relies more on subtle comments following a recognized script and behaves rather like the Vidooshaka of Sanskrit Theatre. However, the real duty of these two during the performance is attending to the various chores related to the sequence and assisting the main performers, much like the buffoons of a circus.

Facial Make-up and the headgear of Kali are classic examples of our rich tradition in sculpture and other handicrafts.

Theeyattu can be considered a by-product of Mudiyettu, though many Theeyattu artists today tend to disagree. However, as indicated by rather well developed Abhinaya (Acting) using Hasthamudras (Hand gestures), Theeyattu is much younger to Mudiyettu, which in the pure form is absolute without any gestural acting.

{Reference website}

Read More

പുതുമന ഗോവിന്ദൻ നമ്പൂതിരി നൃത്തകലയുടെ മഹാസാഗരം (സജീഷ് ശങ്കർ)

കേരളനാട്ടിലെ ചില അമ്പലങ്ങളുടെ അതിരുകൾക്കുള്ളിൽ അനുവർത്തിച്ചു പോന്നിരുന്ന ഒരു ആചാരം. ആരുമറിയാതെ ക്രമേണ ഇല്ലാതായി പോകുമായിരുന്ന ഈ ആചാരത്തെ കലയാക്കി വികസിപ്പിച്ച് ജനകീയമാക്കി. ക്ഷേത്രാതിരുകൾക്കുള്ളിലെ ചെറുവെട്ടത്തിൽ നിന്ന് വിശ്വവിശാലമായ വെള്ളിവെളിച്ചത്തിന്റെ  അംഗീകാരത്തിലേക്ക് തിടമ്പ് നൃത്തത്തെ ആനയിച്ചുകൊണ്ട് പോയത് പുതുമന ഗോവിന്ദൻ നമ്പൂതിരിയുടെ ആത്മീയപ്രകാശമാണ്. ഗുരുഭക്തന്മാരായ അസംഖ്യം ശിഷ്യഗണങ്ങളെയും സ്‌നേഹബന്ധങ്ങളുടെ ഊഷ്മളത പൊഴിക്കുന്ന കലാസ്വാദകരെയും സാക്ഷി നിർത്തി തിടമ്പ് നൃത്തത്തിന് വേണ്ടി ഉഴിഞ്ഞു വെച്ച ഗോവിന്ദൻ നമ്പൂതിരിയുടെ കലാജീവിതം. കാലം കടന്നു പോകുമ്പോൾ തിടമ്പ് നൃത്തത്തിന് അർഹമായ സ്ഥാനം നേടിക്കൊടുക്കാനുള്ള ഗോവിന്ദൻ നമ്പൂതിരിയുടെ നിശ്ചയദാർഢ്യം വിജയം കണ്ടു. തിടമ്പ് നൃത്തത്തിൽ ഇതു വരെ മറ്റാർക്കും കണ്ടെത്താൻ കഴിയാത്ത ഭാവതലങ്ങൾ ഗോവിന്ദൻ നമ്പൂതിരിയുടെ ശരീരഭാഷയോട് ചേർന്നുനിന്ന് ക്ഷേത്രത്തിൽ നടമാടുന്നു. ഒരു ഭക്തന് അവനറിയാതെ ആത്മവിശുദ്ധി നൽകുന്ന ഇത് പോലുള്ള അനുഭവങ്ങൾ ഒരു ഭാഗ്യവും ഗുരുത്വവുമല്ലേ? അനേകം അരങ്ങുകളിൽ കാണികളെ ഭക്തിവികാരത്തിലേക്കും ആസ്വാദനത്തിന്റെ ശിഖരത്തിലേക്കുമെതിച്ച മഹാനർത്തകനെ കാണാൻ സാധിക്കുന്നത് പോലും പുണ്യമല്ലേ? പുതുമന ഗോവിന്ദൻ നമ്പൂതിരിയുടെ തിടമ്പ് നൃത്തസിദ്ധിയെ സമുദ്രത്തിലെ തിരമാലകളെപ്പോലെയാണെന്ന് ആചാര്യന്മാരുടെ പക്ഷം. 
' ചിലപ്പോൾ ശാന്തസുന്ദരമായി പാദങ്ങൾ ഉയർന്നുതാഴും.  ചില സമയങ്ങളിൽ വിസ്മയത്തിന്റെ മുൾമുനകളിലെത്തിച്ച് ആർത്തിരമ്പി വരും. കൊതിയോടെ കണ്ടു നിന്ന് പോകും '. പുതുമന ഗോവിന്ദൻ നമ്പൂതിരിയുടെ വിദേശത്തുള്ള പ്രശംസകരും അദ്ദേഹത്തിന്റെ ഇതിഹാസസമാനമായ കലാജീവിതത്തെ  ഹൃദയത്തോട് ചേർത്ത് നിർത്തുന്നു. തീക്ഷ്ണമായ ജീവിതാനുഭവങ്ങളിൽ നിന്നും ഇതളിട്ട ഗോവിന്ദൻ നമ്പൂതിരിയുടെ വാക്കുകൾക്ക് കാതോർക്കുന്നു. നൃത്തകലയുടെ ഈ മഹാസാഗരത്തെ അറിയാൻ തന്നെ ഒരായുസ്സ് പോരാ.

Read More

വേലകളി

പ്രാചീനകേരളത്തിലെ പൗരുഷത്തിന്റെ കലയാണ് വേലകളി. ചെമ്പകശ്ശേരി എന്ന പ്രദേശത്തെ യോദ്ധാക്കളുടെ ശക്തിപ്രകടനം എന്നു വേണമെങ്കിൽ ഇതിനെ വിശേഷിപ്പിക്കാം. അമ്പലപ്പുഴയിലാണ് ഈ കല ആദ്യമായി രൂപം കൊണ്ടത്. കളരിയഭ്യാസങ്ങൾ, ആയോധനപരിശീലനങ്ങൾ, യുദ്ധമുറകൾ എന്നിവ ഉൾക്കൊള്ളുന്ന ഈ പ്രകടനം അഭ്യാസകലാവിഭാഗത്തിൽ പെടുത്താം. ഈ കലാകായികപ്രകടനത്തിൽ താളവും മേളവുമൊക്കെ ഒത്തിണങ്ങി നയനമനോഹരമായ ഒരു പ്രദർശനമായി രൂപം കൊള്ളുന്നു. വേലകളിയിൽ അണിനിരക്കുന്നത് നല്ല മെയ്‌വഴക്കവും കരുത്തും ആയോധനവൈദഗ്ധ്യവുമുള്ള യോദ്ധാക്കളാണ്. പ്രേക്ഷകരുടെ കണ്ണും കാതും മനസ്സും ശരീരവും ഉത്തേജിതമാവുന്ന അനുഭൂതിവിശേഷമായ വേലകളിയിലൂടെ ഒരു നാടിന്റെയും ഒരു ജനപഥത്തിന്റെയും ഹൃദയതാളങ്ങൾ ഉണരുന്നു.

Read More